27.03.2026 | 15:02
Ուկրաինան և Սաուդյան Արաբիան պաշտպանական համագործակցության համաձայնագիր են ստորագրել
Շուտով պարզ կլինի վերականգնողական նոր կենտրոնի բացման հարցը. Արսեն Թորոսյան. ՏԵՍԱՆՅՈՒԹ
Հասարակություն
09.12.2020 | 17:34
2021 թվականի պետական բյուջեում վերականգնողական բժշկության համար բավարար գումարներ չեն հատկացվել։ Նման տեսակետ հայտնեց «Իմ քայլի» պատգամավոր Նազելի Բաղդասարյանը այսօր Ազգային ժողովում հարցուպատասխանի ժամանակ՝ դիմելով առողջապահության նախարար Արսեն Թորոսյանին։
«Պարզ է, որ հետպատերազմյան շրջանում մենք կունենանք որոշակի թվով հաշմանդամություն ունեցող անձինք, որոնց պետք են վերականգնողական, առողջապահական գործընթացներ։ Ինչպիսի՞ն է նախարարության մոտեցումն այս հարցում»,- հարց ուղղեց պատգամավորը։
Նախարար Արսեն Թոիրոսյանը ի պատասխան նշեց, որ արդեն իսկ կան հաշվարկներ․ «Մոտավորապես 2,8 միլիարդ դրամի մասին է խոսքը, որը Կառավարությունում քննարկումների արդյունքում որոշվել է ներառել առաջնահերթությունների ցանկում և տարվա սկզբում այլ առաջնահերթությոններ վերանայելու արդյունքում տեղափոխել առողջապահության հատված, որպեսզի կարողանանք այդ ծավալը ծածկել»,- նշեց Թորոսյանը։
Վերջինս նաև ընդգծեց, որ աշխատում են կարողությունների մեծացման ուղղությամբ, և շատ շուտով վերջնական պարզ կլինի արդեն մի նոր վերանակնգնողական կենտրոնի բացման հանգամանքը։
Մանրամասները՝ տեսանյութում։
