19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
ԵՄ-ն պատրաստվում է ընդլայնել Թուրքիայի դեմ պատժամիջոցները․ Reuters
Քաղաքականություն
09.12.2020 | 17:33
Եվրամիությունը թուրք անհատների ու կազմակերպությունների հանդեպ պատժամիջոցներ կկիրառի, որոնք պատասխանատու են Միջերկրական ծովում վիճելի տարածքներում հորատման համար։ Այս մասին ասվում է ԵՄ առաջնորդների համար նախապատրաստված հայտարարության տեքստում, որը պետք է համաձայնեցվի հինգշաբթի կայանալիք գագաթնաժողովին, գրում է Reuters-ը։
Գործակալության տրամադրության տակ հայտնված փաստաթղթի համաձայն՝ եթե հայտարարությունը համաձայնեցվի, ապա ԵՄ-ն հավելյալ ցուցակ կկազմի՝ 2019 թվականից արդեն իսկ գործող պատժամիջոցների ցուցակի հիման վրա և, անհրաժեշտության դեպքում, այն կընդլայնվի։
Հիշեցնենք՝ ԵՄ առաջնորդները քննարկում են հարցը՝ արդյո՞ք կկարողանան կյանքի կոչել հոկտեմբերին հնչեցրած սպառնալիքը՝ պատժելու Թուրքիային Կիպրոսի և Հունաստանի ջրային սահմաններում հորատման աշխատանքների համար:
Տաթև Ֆռանգյան
