12.01.2025 | 17:36
Դատական իշխանության հեղինակության բարձրացման ուղղությամբ բավականին անելիք ունեն հենց իրենք դատավորները․ ԲԴԽ նախագահ
Թուրքիան ջիհադիստների տուրիստական գործակալն է․ Հունաստանի ԱԳ նախարար
Քաղաքականություն
09.12.2020 | 15:52
Հունաստանի ԱԳ նախարար Նիկոս Դենդիասը հայտարարել է, որ Թուրքիան հանդիսանում է տարածաշրջանում «հանգստության խաթարողն» ու «ջիհադիստների տուրիստական գործակալը», և այս ամենին պետք է ընդդիմանալ, փոխանցում է ՌԻԱ Նովոստին։
Ամմանում տեղի ունեցած Հունաստանի, Կիպրոսի ու Հորդանանի ԱԳ նախարարների հանդիպման ժամանակ Դենդիասը հայտարարել է, որ Թուրքիայի գործողությունները դուրս են միջազգային իրավունքի շրջանակներից։
«Թուրքիայի գործողությունները դուրս են միջազգային իրավունքի շրջանակներից, և դրանք, ցավոք, ապակայունացնում են տարածաշրջանը և սպառնում ուժի կիրառմամբ։ Թուրքիան Հունաստանին սպառնացել է պատերազմով, եթե Հունաստանը գործի իր ինքնիշխանության իրավունքի համաձայն ու իր տարածքային ջրերն ընդլայնի մինչև 12 ծովային մղոն։ Ներգաղթյալներին որպես քաղաքականության գործիք օգտագործելով, քարոզչություն և կեղծ լուրեր տարածելով, անվտանգության խնդիրը սրելով, ջիհադիստներին Լիբիայից Կովկաս տեղափոխելով, ես դա անվանում եմ ջիհադիստների համար զբոսաշրջային գործակալություն, Անկարան խաղաղության և տարածաշրջանում կայունության համար սպառնալիքներ է ստեղծում»,- հայտարարել է Նիկոս Դենդիասը։
Տաթև Ֆռանգյան
