Քաղաքականություն
09.12.2020 | 11:22«Կուսակցությունները պետք է ոչ թե սպառնալիքների աղբյուր լինեն, այլ հակառակը` պետք է ապահովեն երկրի ժողովրդավարական ընթացքն ու զարգացումը»,- Ազգային ժողովում Կուսակցությունների մասին օրենքում փոփոխություններ կատարելու մասին հարցի քննարկման ժամանակ հայտարարեց անկախ պատգամավոր Արման Բաբաջանյանը: «Սակայն դրա համար կուսակցություններն իրենք իրենց ներսում պետք է ժողովրդավար լինեն ներքին հակակշիռների մեխանիզմով: Քանի՞ այդպիսի ուժ գիտեք»,- ասաց պատգամավորը:
Նրա խոսքով` հարցերի հարցն այն է, թե ովքեր պետք է իրավունք ստանան մասնակցելու ընտրություններին և վճռելու ազգի և պետության ճակատագիրը: «Այս հարցը պետք է դառնար այս օրենքի քննարկման հիմնական առարկան: Օրենքը պետք է շատ խիստ պահանջներ դնի քաղաքական կուսակցության անվան տակ հանդես եկող և ընտրություններին մասնակցելու հայտ ներկայացնող կազմակերպությունների նկատմամբ: ՀՀ նորագույն պատմությունը ցույց է տալիս, որ իշխանությունը զավթելու համար նախ պետք է զավթել կուսակցության իշխանությունը: Անդրանիկ Մարգարյանի մահից հետո Սերժ Սարգսյանը մի քանի շաբաթում զավթեց Հանրապետական կուսակցությունը իր հավատարիմ օլիգարխների հետ: Նման ավտորիտար մոդելով գործող կուսակցությունը իշխանության մաս կազմելուց հետո իր ավտորիտար և ոչ ժողովրդավար կառուցվածքը անպայման պիտի տարածեր ամբողջ պետության և տնտեսության վրա: Սրա համար մեր երկիրը շատ թանկ գին է վճարել»,- նշեց Բաբաջանյանը:
Մանրամասները՝ տեսանյութում:
