11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Վրաստանում արձանագրվել է կորոնավիրուսի 4 321 նոր դեպք
Քաղաքականություն
06.12.2020 | 14:33
Ինտենսիվ թեստավորման շրջանակներում, վերջին 24 ժամում Վրաստանում արձանագրվել է կորոնավիրուսով վարակման 4 321 նոր դեպք:
Այս մասին տեղեկությունը տարածում է Վրաստանի կառավարության մամուլի ծառայությունը:
Նրանց տվյալներով, վերջին 24 ժամում երկրում ապաքինվել է 4 301 անձ, իսկ ընդհանուր առմամբ ապաքինվածների քանակը կազմում է՝ 133 511:
Վերջին օր ու գիշերվա ընթացքում երկրում գրանցվել է կորոնավիրուսից մահվան 42 դեպք և մահվան դեպքերի ընդհանուր քանակը կազմում է 1 504:
Վրաստանում վերջին 24 ժամում անց է կացվել 14 396 թեստ:
«Երկրում «կովիդ 19»-ի համավարակի տարածումից ի վեր հաստատված դեպքերի ընդհանուր քանակը կազմում է 162 475: Ինտենսիվ թեստավորման շրջանակներում, վերջին 24 ժամվա ընթացքում կատարվել է 14 396 թեստ, որից 5 816-ը հակագեն, իսկ 8 580-ը ՝ PCR: Վերջին 24 ժամվա ընթացքում ապաքինվել է 4 301 անձ, իսկ ընդհանուր առմամբ նրանց թիվը կազմում է 133 511: Ցավոք, վերջին 24 ժամվա ընթացքում մենք ունենք կորոնավիրուսից մահվան 42 նոր դեպք: 2020 թվականի փետրվարի 26-ից առ այսօր, մենք ունենք ընդհանուր առմամբ 1 504 մահվան դեպք»,- ասված է կառավարության վարչակազմի հայտարարության մեջ:
