30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Ադրբեջանցիները հնարավորինս մոտենում են նախկին ԽՍՀՄ Հայաստանի սահմանին․ Թաթուլ Հակոբյան. ՏԵՍԱՆՅՈՒԹ
Հասարակություն
04.12.2020 | 18:10
«Ես մի քանի օր առաջ եմ եղել սահմաններում: Մի քանի անգամ անցել եմ հայ-ադրբեջանական սահմանի երկայնքով: Առաջին անգամ անցա, որ երբ որ պաշտոնական Երևանի խոսնակները «գյոռբագյոռ» էին անում, նույն ժամանակ ադրբեջանցիներն արդեն մոտեցել էին Զանգելանին Մեղրիի հատվածից, մոտավորապես Նռնաձորին, որտեղ ցավալիորեն արդեն հոկտեմբերի 19-20 ունեցանք երեք զոհ՝ մեղրեցիներ զոհվեցին: Հետո ես շարժվեցի սահմանի երկայնքով՝ հասկանալու, թե ինչ է կատարվում, երբ որ հասա Դավիթ Բեկ, զարմանքով հայտնաբերեցի, որ այնտեղ պատերազմ է ընթանում, որի մասին լրատվամիջոցները գրեթե չէին գրում: Հաղթական տրամադրությունը Երևանում շարունակվում էր, հորդորում էին հետևել միայն պաշտոնական լուրերին: Այս մասին «Հայ-ադրբեջանական սահմանի դեմարկացիայի խնդիրները» թեմայով քննարկման ժամանակ ասաց «Սիվիլիթաս» հիմնադրամի վերլուծաբան Թաթուլ Հակոբյանը:
«Դավիթ Բեկի վրա ուղղակի կրակ էր թափում, ադրբեջանցիները հասել էին դիմացի սարը, խորհրդային միության ժամանակ հենց այդ սարի վրայով էր անցնում սահմանը, ադրբեջանցիները գրավում էին, զոհեր էին տալիս, հետո մերոնք էին մտնում գրավում, զոհեր էին տալիս, և այսպես շարունակ: Ըստ հաղորդագրությունների՝ ադրբեջանցիները մոտենում են նախկին Խորհրդային Հայաստանի և նախկին Խորհրդային Ադրբեջանի սահմանագծին, որը անգամ խորհրդային տարիներին չափազանց վիճելի, վիճարկելի էին, հատկապես 22-36թթ երբ որ միասին երեք հանրապետություններն էին Խորհրդային միության մաս կազմում, այդ ժամանակ եղել են բազմաթիվ տարածքային փոխանակումներ, հետո էլ են եղել որոշակի փոխանակումներ:
Եվ 88-ականներին, ես որպես այդ սահմաններից մեկի՝ Տավուշի բնակիչ, շատ լավ հիշում եմ, թե ինչ կռիվներ էին գնում սահմանի համար:
Ավելի տգետ և անպատասխանատու բան դժվար է գտնել. ի՞նչ է նշանակում GPS համակարգով սահման որոշել, դա զրո գիտելիք է դեմարկացիայի, միջազգային հարաբերությունների մասին: Դե որ այդպես է որոշվելու, այդ համակարգով Արցախը շատ վաղուց Ադրբեջան է ցույց տալիս, դե թողնեինք դուրս գայիք: Ես կարծում էի, որ իշխանությունը այսքան տգետ և անպատասխանատու չի կարող լինել, բայց պարզվեց, որ կարող է»,- նշեց Հակոբյանը:
Մանրամասները՝ տեսանյութում:
