09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ԱՄՆ-ում առաջին անգամ հայերենից թարգմանված դասագիրք է հրատարակվել
Հասարակություն
11.01.2018 | 16:16
ԱՄՆ-ի Նյու Ջերսի նահանգում գտնվող «Գորգիաս Պրես» ակադեմիական հրատարակչությունը, որն առաջատարն է երկրում արևելագիտական գրականության հրատարակման բնագավառում, լույս է ընծայել ԵՊՀ արևելագիտության ֆակուլտետի դասախոս, բանասիրական գիտությունների թեկնածու Արման Հակոբյանի «Արամեագիտության և ասորագիտության ներածություն» դասագրքի անգլերեն թարգմանությունը:
Դասագիրքը հայերեն լույս է տեսել Երևանում 2015 թվականին և առաջացրել արտասահմանյան մասնագետների մեծ հետաքրքրությունը, ինչը և պայմանավորել է գրքի անգլերեն թարգմանության անհրաժեշտությունը:
Մոտ 600 էջ հաշվող աշխատությունը պարունակում է արամեացիների և ասորիների պատմության, լեզվի, հոգևոր և նյութական մշակույթի, կրոնական կյանքի, այսօրվա հիմնախնդիրների համապարփակ նկարագիրը:
Ա. Հակոբյանը Հայաստանում եբրայագիտության և ասորագիտության հիմնադիրն է: 2003 թվականին լույս է տեսել նրա «Արդի եբրայերեն», իսկ 2005 թվականին՝ «Դասական ասորերեն» դասագիրքը: Վերջինը 2010 թվականին ռուսերեն թարգմանությամբ հրատարակել է Ռուսաստանի խոշորագույն՝ «ԱՍՏ-Պրես» հրատարակչությունը. դա ասորերենի ռուսալեզու միակ դասագիրքն է:
