28.04.2026 | 18:35
Ադրբեջանի հետ հարաբերությունների կարգավորում, բանակը` անվտանգության երաշխիք․ ինչ է առաջարկում ԲՀԿ-ն․ ՏԵՍԱՆՅՈՒԹ
ՌԴ ռազմատրանսպորտային ինքնաթիռները չվերթներ կիրականացնեն դեպի Ստեփանակերտի օդանավակայան
Քաղաքականություն
03.12.2020 | 15:16
Ռուսաստանի Դաշնության ռազմական տրանսպորտային ավիացիայի ինքնաթիռները կկարողանան օգտագործել Ստեփանակերտի օդանավակայանը՝ Լեռնային Ղարաբաղում հումանիտար կենտրոնների սպասարկման համար։ Օդանավակայանը կվերսկսի աշխատանքը դեկտեմբերի առաջին տասնօրյակում։ Այս մասին գրում է ՌԻԱ Նովոստին՝ վկայակոչելով տեղի իշխանություններին։
«Դեկտեմբերի առաջին տասնօրյակում կգործի Ստեփանակերտի օդանավակայանը։ Տարածաշրջանում բացված հումանիտար կենտրոնների մատակարարումներն ապահովելու շրջանակում չվերթներ կկատարեն Ան-12 ու Ան-26 ռազմատրանսպորտային ինքնաթիռները։ Օդանավակայանում կօգտագործվեն նաև տրանսպորտային ուղղաթիռների բոլոր տեսակները»,- պատմել է գործակալության զրուցակիցը։
Նա հավելել է, որ հետագայում Ստեփանակերտի օդանավակայանում կկարողանան վայրէջք կատարել ծանր ռազմատրանսպորտային Իլ-76 ինքնաթիռները։
Գործակալության զրուցակիցը հստակեցրել է, որ ավելի վաղ, խաղաղապահ ուժերի տեղակայման շրջանակում, ռուսական ռազմական ինքնաթիռները վայրէջք էին կատարում «Էրեբունի» օդանավակայանում, հետո խաղաղապահները ցամաքային տրանսպորտով ստիպված էին 300 կիլոմետր անցնել դեպի Լեռնային Ղարաբաղ, ինչը էապես բարդացնում էր նյութատեխնիկական ապահովումը:
Հիշեցնենք՝ ավելի վաղ Լեռնային Ղարաբաղի նախագահի խորհրդական Դավիթ Բաբայանը ՌԻԱ Նովոստիի հետ զրույցում հաստատել էր տեղեկությունը, որ շուտով Ստեփանակերտի օդանավակայանը կշահագործվի, սակայն կոնկրետ ժանկետներ չէր նշել։
Տաթև Ֆռանգյան
