15.12.2024 | 19:20
Տանիքում շինարարական աշխատանքներ իրականացնելիս հանկարծամահ է եղել
Հադրութի, Ղարաբաղի տարածքի դեօկուպացիայի հարցը, կարծում եմ, մոտ ապագայում կբարձրացվի․ Արա Ղազարյան. ՏԵՍԱՆՅՈՒԹ
Հասարակություն
03.12.2020 | 14:42
Հայաստանի կառավարության և անհատական խմբերի ձեռնարկած ջանքերը պետք է հավաքական արդյունք տան ոչ միայն անհատական իրավունքների մասով, այլ նաև Ադրբեջանի զավթած տարածքների մասով: Այս մասին այսօր «Ի՞նչ խնդիրներ է բարձրացրել ՀՀ-ն ՄԻԵԴ դիմումներում պատերազմի ընթացքում» թեմայով առցանց քննարկման ժամանակ ասաց միջազգային իրավունքի մասնագետ Արա Ղազարյանը:
Վերջինիս կարծիքով՝ հավաքված փաստերը պետք է ներկայացվեն ոչ միայն դատարաններ, այլև բազմաթիվ միջազգային կազմակերպություններ՝ մարդու իրավունքների հարցերով, որպեսզի առնվազն ստեղծվի համաեվրոպական հասարակական կարծիք, որ Ադրբեջանը վարել է անարդարացի, անօրինական պատերազմ:
«Այս փաստարկը ապագայում մեզ շատ է պետք գալու, որպեսզի մեր վեճերը առաջ տանենք տարբեր դատարաններում, ընդհուպ մինչև Հադրութի, Ղարաբաղի տարածքի դեօկուպացիայի հարցը, որը կարծում եմ, մոտ ապագայում կբարձրացվի: Խոսքը չի վերաբերում 7 տարածքներին, այլ կոնկրետ այն տարածքներին, որոնք Ղարաբաղը հանրային իրավունքի ուժով հայտարարել է որպես անկախ տարածք՝ 1991թ. անկախության հանրաքվեով, որի օրինականությունը դեռ ոչ մի երկիր, միջազգային իրավունքի սուբյեկտ կասկածի տակ չի դրել»,- նշեց Ղազարյանը:
Մանրամասները՝ տեսանյութում։
