13.12.2024 | 12:46
Երևանում հանրային սննդի օբյեկտի արտադրական գործունեություն է կասեցվել․ ՍԱՏՄ
Հայաստանի և Ադրբեջանի արտգործնախարարները կհանդիպեն հունվարի կեսերին
Քաղաքականություն
11.01.2018 | 15:02
Հունվարի կեսերին կհանդիպեն Հայաստանի և Ադրբեջանի արտաքին գործերի նախարարները: Այս մասին այսօր լրագրողների հետ զրույցում տեղեկացրեց արտաքին գործերի նախարարի տեղակալ Շավարշ Քոչարյանը: Նա, սակայն, չհստակեցրեց հանդիպման օրն ու վայրը` նշելով, որ այդ մասին կտեղեկացնեն առաջիկա օրերին:
Հարցին՝ հնարավո՞ր է մինչև Սերժ Սարգսյանի պաշտոնավարման ավարտը Հայաստանի և Ադրբեջանի նախագահների հանդիպում լինի, Շավարշ Քոչարյանն ասաց. «Այսօր նման հարց դեռ չի քննարկվում, նման հանդիպումները կախված են նաև ԱԳ նախարարների հանդիպումներից»:
Հիշեցնենք, որ Նալբանդյան-Մամեդյարով վերջին հանդիպումը եղել է անցած դեկտեմբերի 6-ին՝ ԵԱՀԿ Մինսկի խմբի համանախագահների նախաձեռնությամբ՝ Վիեննայում:
Շողիկ Գալստյան
