18.11.2024 | 19:21
Վարչապետը շրջայց է կատարել Վատիկանի թանգարաններում, ծաղիկներ խոնարհել Գրիգոր Լուսավորչի և Գրիգոր Նարեկացու արձանների մոտ
Չեմ կարող ասել` 100 տոկոս անվտանգ է, եկեք, բայց այս օրերին վտանգավոր բան չեմ տեսել. Բերձորի քաղաքապետ. ՏԵՍԱՆՅՈՒԹ
Հասարակություն
02.12.2020 | 20:14
«Մի մասը լքել են, մի մասն էստեղ են։ Ես ինքս հիմա էստեղ եմ»,- Factor TV-ի հետ զրույցում ասաց Բերձորի քաղաքապետ Նարեկ Ալեքսանյանը՝ ի պատասխան հարցին՝ արդյո՞ք բերձորցիները լքում են քաղաքը։
Թե քանի բերձորցի է գնացել՝ քաղաքապետը ներկայացնել չկարողացավ։ Նշեց միայն՝ ամեն ժամ պատկերը փոխվում է։ Նրա խոսքով՝ Բերձորի բնակչության 30-40 տոկոսը քաղաքում է։
«Երեկ ու այսօր ավելի շատ վերադառնում են։ Գնացող չի եղել ո՛չ երեկ, ո՛չ այսօր, բայց վերադարձող եղել է»,- հստակեցրեց քաղաքապետը։
«Որպես կոչ՝ ասում եմ՝ ես ու լիքը բերձորցիներ այստեղ ենք։ Անվտանգության հետ կապված, ամեն դեպքում, ո՛չ երեկ, ո՛չ այսօր ես ինչ-որ վտանգավորության աստիճան չեմ տեսել։ Բայց չեմ կարող, որպես համայքնի ղեկավար, կոչ անել ու ասել, որ 100 տոկոսով անվտանգ է, եկեք։ Փոխարենը ասում եմ՝ ինքս վտանգավոր բան չեմ տեսել այստեղ»,- ասաց Նարեկ Ալեքսանյանը։
Բերձորի քաղաքապետը նշեց նաև, որ տարածքում ադրբեջանցիներ չկան։
«Չկան, տարածքում ադրբեջանցիներ չկան։ Երեկ եղել են ադրբեջանցիներ, որոնք իրենց տրանսպորտային միջոցներով խաղաղապահի ուղեկցությամբ ուղղակի անցել են ճանապարհով»,- եզրափակեց Նարեկ Ալեքսանյանը։
Մանրամասները՝ տեսանյութում։
Իրինա Մկրտչյան
