24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Իրանը և Ռուսաստանը պետք է կանգեցնեն Ասադին. Չավուշօղլու
Քաղաքականություն
11.01.2018 | 14:28
Թուրքիայի արտաքին գործերի նախարար Մևլութ Չավուշօղլուն Ռուսաստանի Դաշնությանը (ՌԴ) և Իրանի Իսլամական Հանրապետությանը (ԻԻՀ) կոչ է արել միջոցներ ձեռնարկել, որ Սիրիայի նախագահ Բաշար Ասադի ուժերի առաջխաղացումը Իդլիբում դադարեցվի: Այդ մասին մասին հայտնում է «Yenicag» թերթի կայքը. փոխանցում է EH-ն:
«Իրանը և Ռուսաստանը պետք է կանգեցնեն Ասադին: Թուրքիան արդեն 4 դիտորդական ուժ է կենտրոնացրել Իդլիբում»,-ասել Չավուշօղլուն:
Վերջինս նաև անդրադարձել է Սոչիում Սիրիայի վերաբերյալ կայանալիք ժողովին: Չավուշօղլուն շեշտել է, որ այդ ժողովին չեն մասնակցելու Սիրիայի քրդական «Ժողովրդական ինքնապաշտպանական ջոկատներ»-ի (ԺԻՋ-YPG)-ի ներկայացուցիչները: Ըստ թուրք պաշտոնյայի՝ YPG-ն ներկայացնում է Սիրիայի քրդերի միայն մի մասին: Կան այլ քրդական խմբավորումներ, որոնք նույնպես ներկայացնում են քրդերի շահերը:
Միջանկյալ նշենք, որ Թուրքիան YPG-ին համարում է ահաբեկչական կազմակերպություն:
Նախօրեին Սիրիայի կառավարական ուժերը իրենց վերահսկողության տակ էին վերցրել Իդլիբ քաղաքի 14 գյուղեր: Դրանից հետո խորհրդակցության նպատակով Թուրքիայի արտգործնախարարություն էին հրավիրվել այդ երկրում Իրանի և Ռուսաստանի դեսպանները:
Հիշեցնենք, որ 2016թ. հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռքբերված համաձայնությամբ՝ Իդլիբում «անվտանգության» գոտի էր սահմանվել: Որպես երաշխավոր երկրներ հանդես են գալիս Իրանը, Թուրքիան և Ռուսաստանը:
