Մովսես Հակոբյանի հայտարարությունը խփում է ամբողջ հանրապետությանը. Արմեն Խաչատրյան. ՏԵՍԱՆՅՈՒԹ

Ի՞նչ եք արել դուք, որ գոնե այդ կապիտուլյացիայի փաստաթուղթը ստորագրվեր շատ ավելի շուտ, որ ունենայինք շատ ավելի քիչ զոհեր ու քիչ տարածքային կորուստներ: ԱԺ-ում լրագրողների հետ զրույցում անդրադառնալով ասյ ահրցին, «Իմ քայլը» խմբակցության պատգամավոր, Պաշտպանության և անվտանգության հարցերի հանձնաժողովի անդամ Արմեն Խաչատրյանը պատասխանեց.«Նախ ես դիվանագիտական կորպուսի աշխատակից չեմ, որ ինչ-որ բան անեմ, բայց առաջին օրվանից եղել եմ բանակի և իմ ժողովրդի կողքին, ինչ արել եմ՝ հրապարակման ենթակա չէ: Ասում եք՝ անցել է 20 օր, ինչ եք արել: Ադրբեջանին պահանջվեց 25 տարի, որ ինքը հասներ հաջողության ու այդ 20 օրը, որ դուք նշում եք, դա բավարար չէ, որ մարդը մի հատ ստուգարքի պատրաստվի կամ քննության»:

Դիտարկմանը, որ 2,5 տարի իշխանության են եղել, և չգիտեին, որ գալիս են Ղարաբաղի խնդիրը շալակած՝ պատգամավորն արձագանքեց, որ հարցը փակուղի էր մտել վաղուց՝ դեռ 2016-ի ապրիլյան պատերազմի ժամանակից. «Դուք ասում եք՝ 20 օր անցել է, ի՞նչ եք արել, նման հարց կարող էր տալ փոքր երեխան»:

Խաչատրյանը վստահեցրեց, որ 2 տարվա ընթացքում բանակում շատ բան է փոխվել, ձեռք են բերվել հակաօդային պաշտպանության միջոցներ, որը երբևէ չի եղել, սննդի մատակարարման պայմանավորվածություն է ձեռք բերվել ու բանակում սնունդը ապահովել են նորմալ՝ անգամ պատերազմի օրերին:

Դիտարկմանը, որ այդ ՀՕՊ համակարգերը ձեռք բերվել ժանգոտված վիճակում, Արմեն Խաչատրյանը արձագանքեց «Ես ժանգը չեմ տեսել»:

Անդրադառնալով  ռազմամթերքի ձեռքբերման մասին Մովսես Հակոբյանի հայտարարություններից՝ Արմեն Խաչատրյանն ասաց, որ այս պահին նրա հայտարարությունները քննարկվում են քրեադատավարական դաշտում ու պետք է պարզվի՝ պետական գաղտնիքի հրապարակումները՝ ճիշտ են, թե ոչ ճիշտ, քրեական պատասխանատվության տարրեր պարունակում են, թե ոչ: «Մովսես Հակոբյանի հայտարարությունը խփում է ամբողջ Հայաստանի Հանրապետությանը և Արցախի Հանրապետությանը և խփում է անվտանգությանը»

Մանրամասները՝ տեսանյութում: