17.09.2026 | 16:06
Թրամփը ՄԱԿ ԳՎ-ի շրջանակում Իրանի պատերազմը կքննարկի Պարսից ծոցի երկրների ղեկավարների հետ
ԱԺ խորհուրդը Ծառուկյանին մանդատից զրկելու որոշման մեջ լրացումներ է կատարել
Քաղաքականություն
02.12.2020 | 15:43
ՀՀ Ազգային ժողովի խորհուրդը այսօր նիստ է հրավիրել «Բարգավաճ Հայաստան» խմբակցության ղեկավար Գագիկ Ծառուկյանի լիազորությունները դադարեցնելու հարցով ՍԴ դիմելու որոշման մեջ լրացում կատարելու համար: Այս մասին factor.am-ը տեղեկանում է ԱԺ կայքից:
ԱԺ խորհրդի նիստում քննարկված նախագծում նշված է. «Ազգային ժողովի խորհրդի` 2020 թվականի նոյեմբերի 24-ի «Ազգային ժողովի պատգամավոր Գագիկ Ծառուկյանի լիազորությունները դադարեցնելու հարցով Սահմանադրական դատարան դիմելու մասին» թիվ 065-Ա որոշումը լրացնել նոր՝ 1.1-ին կետով՝ հետևյալ բովանդակությամբ. «1.1 Սույն որոշումը՝ կից դիմումով, օրենքով սահմանված ժամկետում ուղարկել Սահմանադրական դատարան:»»:
Հիշեցնենք՝ նոյեմբերի 24-ին Ազգային ժողովի խորհրդի նիստին որոշվել էր «Բարգավաճ Հայաստան» խմբակցության ղեկավար Գագիկ Ծառուկյանի պատգամավորական լիազորությունները դադարեցնելու հարցով դիմել Սահմանադրական դատարան։ Այս հարցով ՍԴ դիմելու որոշման համար որպես հիմք է նշվել Սահմանադրության 95-րդ հոդվածն ու Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի՝ պատգամավորի կողմից անհամատեղելիության պահանջների խախտման մասին» եզրակացությունը:
