02.08.2026 | 10:58
Կաթողիկոսը կարող էր գալ, դեմը ոչ մեկ չէր կարող առնել. Կնվազ Հասանովը` Վարդևանյանին․ ՏԵՍԱՆՅՈւԹ
Կրեմլում ողջունում են ԼՂ-ում ռուսաց լեզվին երկրորդ պետական լեզվի կարգավիճակ տալու հնարավորությունը․ Պեսկով
Քաղաքականություն
02.12.2020 | 15:12
Կրեմլում ողջունել են Լեռնային Ղարաբաղում ռուսերենին երկրորդ պետական լեզվի կարգավիճակ տալու հնարավորությունն ու հայտարարել, որ պատրաստ են նպաստել դրա հետագա տարածմանը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է ՌԻԱ Նովոստին։
«Ռուսերենն ամեն դեպքում օգտագործվում է ԼՂ-ում, այն Հայաստանում էլ օգտագործվում է, ռուսերեն են խոսում նաև Ադրբեջանում։ Առհասարակ, ռուսերեն շատ են խոսում աշխարհում, այդ թվում՝ նախկին Խորհրդային Միության տարածքում։ Բնականաբար, մենք դա ողջունում ենք և պատրաստ ենք հետագայում նպաստել ռուսաց լեզվի տիրապետման մակարդակի բարձրացմանն ու տարածմանը, դա համարում ենք մեր խնդիրը»,- ասել է Պեսկովը։
Ընդ որում, նա շեշտել է, որ Ռուսաստանը չի առաջարկում ռուսերենը երկրորդ պետական լեզու դարձնել Հայաստանում ու Ադրբեջանում՝ ընդգծելով, որ դա ցանկացած երկրի ներքին գործն է։
«Սա բանակցությունների կամ շփումների թեմա չէ, դա փաստացի իրավիճակ է․ ռուսերեն են խոսում ինչպես Ադրբեջանում, այնպես էլ Հայաստանում», – հավելել է Պեսկովը:
Տաթև Ֆռանգյան
