18.11.2024 | 20:10
Իրանը հրաժարվել է Ռուսաստանից ՀՕՊ միջոցներ գնել՝ Իսրայելի կողմից դրանց ոչնչացումից հետո
Պուտինը կարևորել է Լեռնային Ղարաբաղում մարդասիրական խնդիրների կարգավորումը. ՏԵՍԱՆՅՈՒԹ
Քաղաքականություն
02.12.2020 | 14:18
Բոլորին լավ հայտնի է, որ Ռուսաստանից ակտիվ միջնորդական ջանքեր են պահանջվել՝ Լեռնային Ղարաբաղի հակամարտության գոտում արյունահեղությունը դադարեցնելու, լիակատար հրադադարի հաստատման ու կայունացման գործընթացը սկսելու համար։ ՀԱՊԿ Հավաքական անվտանգության խորհրդի նիստում այս մասին հայտարարել է ՌԴ նախագահ Վլադիմիր Պուտինը։
«Ընդ որում, մենք հետևել ենք ԵԱՀԿ Մինսկի խմբի հիմնարար սկբունքներին, որոնք ձեռք էին բերվել համանախագահ երկրների՝ Ռուսաստանի, Ֆրանսիայի ու ԱՄՆ կողմից։ Ներկայումս հետևողականորեն կյանքի է կոչվում նոյեմբերի 9-ին Ռուսաստանի, Հայաստանի ու Ադրբեջանի միջև ձեռքբերված եռակողմ հայտարարությունը։ Շփման գծի ու Լաչինի միջանցքի երկայնքով տեղակայված են ՌԴ խաղաղապահ զորքերը։ Այժմ կարևորվում է փոխկապակցված կերպով օգնություն ցուցաբերել ռազմական գործողությունների գոտում մարդկանց, օգնություն ցուցաբերել հումանիտար խնդիրների լուծման, փախստականների վերադարձի, ավերված ենթակառուցվածքների վերականգնման, մշակութային ու կրոնական օբյեկտների պահպանման հարցում»,- հավելել է Պուտինը։
Նա նշել է, որ ռուսական կողմն արդեն զբաղվում է այս խնդիրների լուծմամբ։ Պուտինը շեշտել է այս հարցում նաև միջազգային կազմակերպությունների ներգրավման կարևորությունը։
Տաթև Ֆռանգյան
