29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Սենատորներն ԱՄՆ-ին կոչ են անում օգնություն ցուցաբերել մարդասիրական ճգնաժամից տուժած Արցախին
Քաղաքականություն
02.12.2020 | 14:38
Միացյալ Նահանգները պետք է օգնություն ցուցաբերի Լեռնային Ղարաբաղին, որը տուժել է մարդասիրական ճգնաժամից։ Համատեղ հայտարարությունում, որը հրապարակել է Մենենդեսի մամուլի ծառայությունը, նշել են ԱՄՆ Սենատի միջազգային հարաբերությունների կոմիտեի անդամ Ռոբերտ Մենենդեսն ու սենատոր Ռոբ Փորթմանը։
Նրանք կոչ են արել ԱՄՆ օրենսդիր մարմնի վերին պալատի հատկացումների հանձնաժողովին՝ «Հատկացումների վերջնական օրինագծի շրջանակում միջոցներ հատկացնել Հարավային Կովկասում շարունակվող մարդասիրական ճգնաժամը կարգավորելու համար»:
Մենենդեսն ու Փորթմանն ընդգծել են «ճգնաժամի լրջությունն ու ամերիկյան օգնության բացառիկ կարևորությունը»։
«Հարավային Կովկասում հումանիտար իրավիճակը սարսափելի է և ձմռան հետ ավելի կվատթարանա», – կարծում են սենատորները:
Մենենդեսը և Փորթմանը նշում են, որ «Թուրքիայի աջակցությունը ստացած հակամարտությունը Ադրբեջանի և Հայաստանի միջև երկարաժամկետ վնաս հասցրեց տարածաշրջանի ենթակառուցվածքին և հանգեցրեց Լեռնային Ղարաբաղի էթնիկ հայ բնակչության կեսից ավելիի, այդ թվում՝ կանանց և երեխաների 90 տոկոսի տեղահանմանը։ Ռազմական գործողությունները չնայած դադարել են, սակայն դրանց հասցրած վնասը շարունակում է հանգեցնել մարդկանց մահվան՝ միջազգային հանրության կողմից վճռորոշ գործողությունների բացակայության պատճառով»։
Արցախում վերականգնողական միջոցառումների լուրջ ֆինանսավորման կոչին զուգահեռ՝ նրանք խնդրել են նաև հատուկ միջոցներ հատկացնել ականազերծման և չպայթած զինամթերքի վնասազերծման աշխատանքների համար:
Տաթև Ֆռանգյան
