09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Պուտինը խոստացել է մայիսի 1-ից բարձրացնել նվազագույն աշխատավարձը
Տնտեսություն
11.01.2018 | 11:32
Ռուսաստանում նվազագույն աշխատավարձը մայիսի 1-ից կբարձրացվի՝ հասցնելով նվազագույն զամբյուղին: Այս մասին ՌԴ նախագահ Վլադիմիր Պուտինը հայտարարել է Տվերում՝ վագոնաշինական գործարանի աշխատակիցների հետ հանդիպմանը. փոխանցում է regnum.ru-ն:
«Մենք նվազագույն աշխատավարձը նվազագույն զամբյուղին հասցնելու հնարավորություն ունենք և կանենք դա»,- հայտարարել է պետության ղեկավարը:
Պուտինը հիշեցրել է, որ աշխատավարձի բարձրացումը նախատեսվում էր 2019թ. հունվարի 1-ից, սակայն Ռուսաստանի Անկախ արհմիությունների դաշնության ղեկավար Միխայիլ Շմակովը առաջարկել էր արագացնել գործընթացը:
Ներկա պահին ՌԴ-ում նվազագույն աշխատավարձը 9 հազար 489 ռուբլի է, սակայն կենսամակարդակն ապահովելու համար անհրաժեշտ է 11 հազար 163 ռուբլի:
Պաշտոնական թվերը փաստում են, որ ավելի քան 20 միլիոն ռուսաստանցի գտվում է աղքատության շեմին:
Նշենք, որ Ռուսաստանում նախագահական ընտրությունները կանցկացվեն մարտի 18-ին։
