30.06.2026 | 13:43
Այսօրվանից Ռուսաստան մեկնելիս RuID համակարգում գրանցվելը պարտադիր է. ՌԴ միգրացիոն լաբիրինթոսի ուղեցույց՝ օտարերկրացիների համար
Թուրքական «Բեշիկթաշ»-ը Արազ Օզբիլիսից պահանջել է նոր ակումբ գտնել
10.01.2018 | 20:16
Թուրքական «Բեշիկթաշ» ֆուտբոլային ակումբի կիսապաշտպան և Հայաստանի ազգային հավաքականի ֆուտբոլիստ Արազ Օզբիլիսը ակումբի ղեկավարությունից նախազգուշացվել է, որ պետք է իր համար նոր ակումբ փնտրի։ Այս մասին տեղեկացնում է «Futbol Arena» կայքը. փոխանցում է EH-ն:
Հայ ֆուտբոլիստն ու «Բեշիքթաշ»-ի դարպասապահ Դենիս Բոյկոն չեն ընդգրկվել Անթալիայի մարզումներին։ Ակումբի ղեկավարությունը նաև պահանջել է, որ նրանք իրենց մարզումները անցկացնեն թիմից առանձին։
FIFPro-ի (ֆուտբոլիստների միջազգային ասոցիացիա) փաստաբանները «Բեշիքթաշի»-ի ղեկավարությանը զգուշացրել են, որ դա անօրինական որոշում է և պահանջել են հնարավորինս արագ վերջ տալ այդ անարդարությանը։
Արազ Օզբիլիսը թուրքական ակումբի հետ 4․5 տարվա պայմանագիր է ստորագրել 2016 թվականի հունվարին: Այնուհետև ֆուտբոլիստը տեղափոխվել է իսպանական «Rayo Vallecano», սակայն կես տարի անց կրկին վերադարձել «Բեշիկթաշ»:
