01.04.2026 | 14:51
Կատարը պնդում է՝ իրանական հրթիռն իր տարածքում լցանավի է հարվածել․ Ծոցի երկրները շարունակում են հարձակումների ենթարկվել
Մոտ 30 անհետ կորած քաղաքացիական անձ կար, 7-ի մարմինը վերադարձվել է. Արտակ Բեգլարյան. ՏԵՍԱՆՅՈՒԹ
Հասարակություն
27.11.2020 | 12:48
Անհետ կորած քաղաքացիական անձինք կան, որոնց մասին տվյալների հավաքագրումը և վերլուծությունը կատարում է Արցախի ՄԻՊ գրասենյակը, քանի որ բորորն Արցախում են եղել՝ հիմնականում իրենց բնակավայրերում, երբ ադրբեջանական ուժերը ներխուժելեն այդ բնակավայրեր: Այս մասին «Գերիներ ու անհետ կորածներ. ո՞վ է զբաղվում նրանցով» քննարկման ժամանակ ասաց Արցախի ՄԻՊ Արտակ Բեգլարյանը:
«Մոտավոր հաշվարկով մոտ 30 անհետ կորած քաղաքացիական անձ կար, նրանց մի մասի ճակատագիրը պարզվել է՝ գտնվում են Ադրբեջանի վերահսկողության ներքո և նրանց հետ Կարմիր Խաչը կապ է հաստատել:
11 հաստատված մահվան դեպք կա, որոնցից 7-ի մարմինը վերադարձվել է, կամ մեր փրկարար ծառայությունն է գտել, 7-ն էլ սպանված են եղել, առկա են եղել խեղման և խոշտանգման դեպքեր, այդ թվում նաև հետմահու, եղել են ականջներ կտրելու, աչք հանելու, գլխատման, դանակահարության և նմանատիպ սարսափազդու դեպքեր:
Կա նաև մի քանի դեպք՝ քաղաքացիական անձանց մասով, ադրբեջանական կողմը հրապարակել է տեսանյութեր, որտեղ կենդանի մարդկանց գլխատել են, ականջները կտրել, անմարդկային վերաբերմունք են դրսևորել, ծաղրանքի ենթարկել և այլն:
Բոլոր այս դեպքերը ուսումնասիրում ենք, բոլոր դեպքերով ինքնությունը պարզում ենք և ներկայացնում Կարմիր խաչին և ռուսական կողմին»- տեղեկացրեց Բեգլարյանը:
Նրա խոսքով՝ այս ամենի գլխավոր պատասխանատուն և միակ հանցագործը ադրբեջանական կողմն է: «Ադրբեջանական կողմը ակնհյատ կերպով ժամանակ է ձգում և՛ գերիների փոխանակման, և՛ դիակների փոխանակման հարցով:
Առ այսօր ավելի քան 400 մարմին է փոխանցվել հայկական կողմին, դրանց մի մասը փոխանակվել է, մի մասն էլ մեր փրկարար ծառայությունը, Կարմիր Խաչը և ռուսական խաղաղապահներն են գտել մարտադաշտերում»,- նշեց ԱՀ ՄԻՊ-ը:
Մանրամասները՝ տեսանյութում:
