20.05.2026 | 15:24
Մենք օր օրի ավելի ենք մոտենում վիզաների ազատականացմանը. Արփինե Սարգսյան․ ՏԵՍԱՆՅՈՒԹ
ԵԽ-ն կարող է Թուրքիայի դեմ պատժամիջոցներ կիրառելու մասին բանաձև ընդունել․ Reuters
Քաղաքականություն
26.11.2020 | 19:53
Եվրախորհրդարանը կարող է բանաձև ընդունել, որով կոչ է արվում պատժամիջոցներ կիրառել Թուրքիայի դեմ: Այս մասին գրում է Reuters-ը՝ վկայակոչելով ԵՄ դիվանագետներին ու խորհրդարանականներին:
Աղբյուրի փոխանցմամբ՝ առաջին հերթին Ֆրանսիան, Հունաստանը և Կիպրոսն են կողմ պատժամիջոցներ կիրառելուն, Գերմանիան նույնպես կարող է պատրաստ լինել՝ միանալ նրանց վերջին միջադեպի պատճառով, որի ընթացքում Թուրքիան չի թույլատրել «Իրինի» օպերացիայի շրջանակում Բունդեսվերին ստուգել կասկածելի թուրքական նավը:
Թուրքիայի հետ հարաբերությունների հնարավոր վերանայման հարցը կքննարկվի դեկտեմբերի 11-12-ին կայանալիք գագաթնաժողովում: Հենց այս գագաթնաժողովի ժամանակ էլ կարող է որոշում կայացվել պատժամիջոցներ կիրառելու մասին:
«Կա ընդհանուր ըմբռնում, որ պատժամիջոցներ կկիրառվեն։ Սակայն, այնուամենայնիվ, Թուրքիան առանցքային գործընկեր է շատ ոլորտներում, ուստի դեռևս կոնսենսուսի հնարավորություն կա»,- գործակալությանը հայտարարել է մեկ այլ եվրոպացի դիվանագետ։
