01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Միայն ռազմական դրության վերացումը մեզ կբերի նոր խնդիրներ. ՊՆ ներկայացուցիչ. ՏԵՍԱՆՅՈՒԹ
Քաղաքականություն
26.11.2020 | 17:51
Այն տարբերակը, որ ներկայացված է քննարկման, անմիջապես ընդունելու և լրացուցիչ կարգավորումներ միաժամանակ չընդունելու պարագայում խնդիրներ է առաջացնելու՝ անվտանգային և պաշտպանական հարցերի մասով: Այս մասին ԱԺ արտահերթ նիստում՝ ռազմական դրությունը վերացնելու մասին նախագծի քննարկման ժամանակ ասաց ՀՀ պաշտպանության նախարարության գլխավոր քարտուղար Արթուր Սարգսյանը՝ ներկայացնելով հարցի վերաբերյալ ՊՆ մասնագիտական մոտեցումը:
«Հնարավոր խնդիրներից խուսափելու և հավասարակշռված լուծումներ, մոտեցումներ գտնելու նպատակով պաշտպանության նախարարությունը մշակել է համապատասխան իրավական ակտեր և ներկայացնելու է համապարփակ լուծումներ խնդիրներից խուսափելու համար: Մոտեցումները և լուծումներն իրավական ակտերի տեսքով արդեն մշակված են, ինչի մասին երեկ խոսել է նաև գլխավոր շտաբի ներկայացուցիչը, սակայն ՊՆ-ից դուրս դրանք չեն շրջանառվել և կարիք ունեն այլ նախարարություններում մասնագիտական շրջանակների քննարկման և կառավարության կողմից ընդունման:
Առանց նշված լուծումները միաժամանակ ընդունելու՝ առաջարկում ենք նախագիծն այս տեսքով ընդունելուց ձեռնպահ մնալ, սա ընդունեք որպես ՊՆ ընդհանուր մասնագիտական մոտեցում, որովհետև խնդիրները, որ առաջացել են, պահանջում են համակարգված, կշռադատված լուծումներ: Միայն ռազմական դրությունը վերացնելը մեզ կկանգնեցնի նոր խնդիրների առաջ»,- նշեց Սարգսյանը:
Մանրամասները՝ տեսանյութում:
