19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Փաշինյանը հարցրել է Պուտինին` ի՞նչը կարող է կանգնեցնել պատերազմը. Բաբաջանյանը մանրամասներ ներկայացրեց արտախորհրդարանական ուժերի հետ Փաշինյանի հանդիպումից. ՏԵՍԱՆՅՈՒԹ
Քաղաքականություն
26.11.2020 | 17:45
«Հոկտեմբերի 19-ին մեր երկրորդ հանդիպմանը մենք շատ ծանր խոսակցություն ենք ունեցել վարչապետի հետ: Ինձ հետ եղել են նաև արտախորհրդարանական ուժերի ներկայացուցիչներ և ղեկավարներ: Մենք այդ օրը, երբ Հադրութը դեռ չէր ընկել, կամ, մի քանի ժամ հետո պետք է այլևս իրողություն դառնար, մենք խոսեցինք կապիտուլյացիայի մասին»,- ԱԺ արտահերթ նիստում ռազմական դրությունը չեղարկելու վերաբերյալ «Լուսավոր Հայաստանի» ներկայացրած նախագծի քննարկման ժամանակ հայտարարեց անկախ պատգամավոր Արման Բաբաջանյանը:
«Հարց հնչեց՝ սա կապիտուլյացիա՞ է, պարոն վարչապետ, և վարչապետն առնվազն չհակադարձեց: Եվ մենք գիտեինք արդեն: Իսկ մեր հանդիպմանը հաջորդել էր անվտանգության խորհրդին, որտեղ, կարծում եմ, նույնաբովանդակ խոսակցություն է եղել, և ներկաները հաստատապես նույնաբովանդակ խոսակցություն ունեցել են:
Այդ օրը վարչապետն ասաց, որ օրվա ընթացքում զանգահարել է ՌԴ նախագահին և հարցրել, թե ինչը կարող է կասեցնել պատերազմը, և Պուտինն ասել է՝ «Լավրովի պլանը»:
Մեր հանդիպումից հետո՝ 20:00-ին, պետք է տեղի ունենար Փաշինյանի հեռախոսազրույցը ՌԴ նախագահի հետ, որտեղ Փաշինյանն ուներ որոշում, որ ՀՀ-ն գնում է «Լավրովի պլանի» շուրջ բանակցությունների: Հետո միայն պարզ դարձավ, որ Ադրբեջանն այլևս չի համաձայնել կանգնեցնել պատերազմը»,- նշեց Արման Բաբաջանյանը:
Պատգամավորը խորհրդարանում անդրադարձավ նաև երեկ Ֆրանսիայի Սենատի կողմից ընդունված բանաձևին՝ այն որակելով պատմական:
Մանրամասները՝ տեսանյութում:
