18.11.2024 | 17:39
ՀՀ նախագահի հրամանագրերով դատավորներ են նշանակվել
Մեջներդ տղամարդ չկա՞, ասի՝ պարտվել ենք, պիտի հեռանանք՝ նախկինների նման․ Մելքումյանը՝ իմքայլականներին. ՏԵՍԱՆՅՈՒԹ
Քաղաքականություն
26.11.2020 | 16:55
Ակնհայտ է, որ պարտվողական, դավադիր քաղաքականություն վարելով՝ Նիկոլ Փաշինյանը երկիրը հասցրել է այս վիճակին: Կային բաներ, որ մենք չպետք է ներեինք: Ժողովրդիուժեվ իշխանության եկած ղեկավարին ժողովուրդն էլ պետք է ճանապարհ դնի: ԱԺ արտահերթ նիստի ժամանակ իր ելույթում ասաց ԲՀԿ խմբակցության պատգամավոր Միքայել Մելքումյանը:
«Կարճ ժամանակ հետո մենք պետք է իմանանք ամբողջ ճշմարտությունը: Անշնորհք կառավարում է տեղի ունեցել: Երկուսուկես տարվա ընթացքում բոլոր ոլորտներում ձախողակ քայլեր են արվել… Հրաժարականն ԱԳ նախարարի համար ամենահեշտ քայլն էր, բայց եղբայր, ո՞ւր ես գնում: Զոհրաբ Մնացականյանը և մյուս նախարարները պետք է գան և այս ամբիոնից ասեն՝ ինչ են ուզեցել անել: Պաշտպանության նախարարն էլ պետք է գա, ասի՝ ինչ էր ուզում անել, իրեն չեն թողե՞լ»,- նշեց պատգամավորը:
«Այսօր էլ Հայաստանը կանգնած է լրջագույն աղետի առջև: Հիմա մենք իրականացնում ենք այն ծրագրերը, որ ուզում էր իրականացնել դեռ Հեյդար Ալիևը…»,- կարծիք հայտնեց պատգամավորը:
Միքայել Մելքումյանը ընդգծեց, որ «Իմ քայլի» պատգամավորները կիսում են վարչապետի վարած քաղաքականության պատասխանատվությունը:
«Դուք կարճ ժամանակում հազար տոկոսով դուք մսխել եք ժողովրդի վստահությունը… Լավ, ձեր մեջ տղամարդ չկա՞, որ վեր կենա, գա, այստեղից ասի՝ «մենք պարտվել ենք և պետք է հեռանանք»», – հարց ուղղեց պատգամավորը:
Մանրամասները՝ տեսանյութում:
