18.11.2024 | 15:42
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Բրիտանական Դերբի քաղաքը ճանաչել է Արցախի անկախությունը
Քաղաքականություն
26.11.2020 | 15:15
Մեծ Բրիտանիայի Դերբի քաղաքի քաղաքային խորհուրդը միաձայն բանաձև է ընդունել, որով ճանաչում է Արցախի Հանրապետության անկախությունը։ Այս մասին հայտնում է Derby news-ը։
Նշվում է, որ Դերբին դարձել է Միացյալ Թագավորության առաջին քաղաքը, որը ճանաչել է Արցախի անկախությունը։
Հոկտեմբերի 18-ին՝ Արցախում 3 շաբաթ տևած պատերազմից հետո, Derby News-ի խմբագիր Ռասել Փոլարդը և Artsakh.Org.UK-ը դիմել էին Դերբիի քաղաքային խորհրդի քաղաքական առաջնորդներին՝ խնդրելով ճանաչել Արցախի Հանրապետության անկախությունը:
Բանաձևում ասվում է, որ Ադրբեջանի վերջին գործողություններն ընդգծում են Արցախի ժողովրդի նկատմամբ էքզիստենցիալ սպառնալիքը և անհրաժեշտ է, որ միջազգային հանրությունն ակտիվ գործի այն չեզոքացնելու համար՝ ներառյալ Արցախի ժողովրդի ինքնորոշման իրավունքի ճանաչմամբ։
Քաղաքային խորհուրդը որոշել է դիմել Մեծ Բրիտանիայի ԱԳ նախարարին՝ տեղեկացնելու բանաձևի մասին և խնդրելու երկրի կառավարությանը՝ նույնպես ճանաչել Արցախի Հանրապետության անկախությունը։
Տաթև Ֆռանգյան
