28.04.2026 | 22:13
Հայաստանի մի շարք շրջաններում էլեկտրաէներգիայի անջատումներ կլինեն
Հավաքական անվտանգության խորհրդի նիստը կկայանա առաջիկա օրերին. Լավրով
Քաղաքականություն
26.11.2020 | 15:05
ՀԱՊԿ անդամ պետությունների ԱԳ նախարարների խորհրդի նիստը տեղի կունենա առաջիկա օրերին, որին կհաջորդի Հավաքական անվտանգության խորհրդի հանդիպումը՝ երկրների ղեկավարների մակարդակով։ Այս մասին հայտարարել է ՌԴ ԱԳ նախարար Սերգեյ Լավրովը, գրում է Sputnik-ը։
Լավրովը պաշտոնական այցով Բելառուսում է, որտեղ հանդիպել է իր պաշտոնակից Վլադիմիր Մակեյի, ինչպես նաև երկրի նախագահ Ալեքսանդր Լուկաշենկոյի հետ։
ՌԴ ԱԳՆ ղեկավարը նշել է, որ Լուկաշենկոյի հետ առանձնազրույցում քննարկվել է ՀԱՊԿ գործունեության հարցը։
«Բառացիորեն մի քանի օրից կկայանա ԱԳ նախարարների խորհրդի նիստը, այնուհետև երկրների ղեկավարների մակարդակով հանդիպումը»,- ասել է Սերգեյ Լավրովը՝ հիշեցնելով, որ ներկայում ՀԱՊԿ-ում նախագահում է Ռուսաստանը։
Տաթև Ֆռանգյան
