01.04.2026 | 13:34
Մեկնարկել է 2025 թվականի եկամուտներ տարեկան հայտարարագրման գործընթացը
Գերմանիա են ներթափանցել Իրաքից ու Աֆղանստանից 1500 անօրինական միգրանտներ․ DW
Քաղաքականություն
26.11.2020 | 14:48
Գերմանիայի ոստիկանությունը 2020 թվականին արձանագրել է ավելի քան 1500 անօրինական ներգաղթյալների տեղաշարժ սկանդինավյան երկրներից։ Այս մասին հայտնել է գերմանական Funke-ն, փոխանցում է DW-ի ռուսական ծառայությունը։
Նշվում է, որ փախստականների մեծ մասը Իրաքից ու Աֆղանստանից է, որոնք Գերմանիա են ներթափանցում Դանիայի հետ ցամաքային կամ Շվեդիայի հետ ծովային սահմանով։
Գերմանիայի իշխող Քրիստոնեա-դեմոկրատական կուսակցության ներքին քաղաքականության հարցերով փորձագետ Մաթիաս Միդլբերգը ԵՄ ներսում փախստականների տեղաշարժն անվանել է հրատապ խնդիր և պահանջել քայլեր ձեռնարկել ընդդեմ ապօրինի տեղաշարժի։
«ԵՄ երկրները, որոնք փախստականների համար պատասխանատվություն են ստանձնել, պետք է այն կատարեն երկարաժամկետ: Միայն այդ երկրներում փախստականներն իրավունք ունեն սոցիալական նպաստներ ստանալ»,- հայտարարել է նա:
Տաթև Ֆռանգյան
