11.09.2026 | 16:50
ՀԷՑ-ի մասով մի անհանգստացեք. ՀէՑ-ը կվերադառնա իր օրինական տիրոջը. Սամվել Կարապետյան. ՏԵՍԱՆՅՈՒԹ
Ապահովեք գեներալի մասնակցությունը, որը պնդում էր՝ ռազմական դրությունը կարող ենք հանել. Մարուքյան. ՏԵՍԱՆՅՈՒԹ
Քաղաքականություն
26.11.2020 | 11:59
ԱԺ արտահերթ նիստի ժամանակ «Լուսավոր Հայաստան» խմբակցության ղեկավար Էդմոն Մարուքյանը ԱԺ փոխխոսնակ Լենա Նազարյանին խնդրեց ապահովել Պաշտպանության հարցերի հանձնաժողովում երեկ հարակից զեկույցով հանդես եկած ԳՇ ներկայացուցիչ գեներալի ներկայությունը, որը պնդում էր, որ ռազմական դրությունը այժմ կարող է հանվել:
«Քանի որ նա շփոթ առաջացրեց իշխանության ներսում, նրան այսօր փոխարինել է ՊՆ գլխավոր քարտուղարը»,- նշեց Մարուքյանը՝ հավելելով, որ ՊՆ գլխավոր քարտուղարը փոխարինել է պարոն գեներալին, որպեսզի ասի՝ ռազմական դրությունը չի կարելի հանել:
Մարուքյանն ընդգծեց, որ ՊՆ գլխավոր քարտուղարը իր ելույթից առաջ պետք է ներկայացնի՝ երբ են ՀՀ քաղաքացի ռազմագերիները փոխանակվելու, երբ են փոխանակվելու քաղաքացիական անձինք, ինչ է կատարվում նրանց հետ, հայտարարի զոհերի՝ այդ թվում՝ քաղաքացիական անձանց շարքերում զոհերի թիվը և անունները:
Լենա Նազարյանը հակադարձեց ասելով, որ ԼՀ խմբակցությունն արդեն իսկ կողմ է քվեարկել ՊՆ գլխավոր քարտուղար Արթուր Սարգսյանի արտահերթ ելույթի որոշմանը, և ինքն ԱԺ ընթացակարգով այլ անձի ձայնի իրավունք չի կարող տալ:
