18.04.2026 | 18:31
Նախագահը Հարավային Կորեայում ՀՀ դեսպան է նշանակել
ՌԴ ԱԻՆ-ը կվերահսկի Լեռնային Ղարաբաղում մարդասիրական օգնության բաժանումը․ ՌԻԱ Նովոստի
Քաղաքականություն
26.11.2020 | 10:52
ՌԴ ԱԻՆ-ը կվերահսկի Լեռնային Ղարաբաղում մարդասիրական օգնության բաժանումը: Այս մասին ՌԻԱ Նովոստիին հայտնել են ՌԴ ԱԻՆ մամուլի ծառայությունից։
«Ռուսաստանի արտակարգ իրավիճակների նախարարության խումբը, որը Լեռնային Ղարաբաղում մարդասիրական առաքելություն է իրականացնում, ավարտել է մատակարարված նյութերի բեռնաթափումը: Այժմ ընթանում է բեռների բաշխումը բնակելի տների և սոցիալական նշանակության օբյեկտների հասցեներով», – ասված է հայտարարության մեջ:
Նշվում է, որ Արտակարգ իրավիճակների նախարարության մասնագետները, քաղաքապետարանների ներկայացուցիչների հետ միասին, գնահատել են Ստեփանակերտում, Մարտակերտում, Մարտունիում և Ասկերանում ենթակառուցվածքներին հասցված վնասը: Այս պահի դրությամբ վնասված շենքերի ստուգումն ավարտվել է:
«Բացի այդ, Ռուսաստանի ԱԻՆ-ը միջոցներ է ձեռնարկել փրկարարների ճամբարը բարելավելու ուղղությամբ, կազմակերպվել է ժամանած անձնակազմի և սարքավորումների տեղավորումը: Ռուսաստանի ԱԻՆ խումբը նոյեմբերի 16-ից սկսել է անհրաժեշտ օգնություն ցուցաբերել խաղաղ բնակչությանը», – հավելվում է հաղորդագրության մեջ:
Տաթև Ֆռանգյան
