12.10.2026 | 21:58
Արարատ Միրզոյանն ու Ռադոսլավ Սիկորսկին քննարկել են Հայաստանի և Լեհաստանի համագործակցության խորացման հարցեր
«Կարող ենք նաև չշնչել». քաղաքացիները՝ ախորժակները չափավորելու ՀՀԿ-ականի կոչի մասին
Հասարակություն
09.01.2018 | 20:12
Հանրապետական պատգամավորը հանդես է եկել հերթական ուշագրավ հայտարարությամբ. ՀՀԿ խմբակցության քարտուղար Գագիկ Մելիքյանը մեր քաղաքացիներին խորհուրդ էր տվել թանկացումների պատճառով «զսպել ցանկությունները»:
«Ես խորհուրդ կտամ այնպես, ինչպես ես եմ անում՝ զսպել մեր բոլոր ցանկությունները: Եվ իրականացնել այն, ինչ խիստ անհրաժեշտ է: Պետք չէ լուրջ նպատակներ, լուրջ ծրագրեր իրենց առջև դնեն՝ շատ մեծ ծախսերի հետ կապված»,- ասել էր նա:
Ի՞նչ են մտածում մեր համաքաղաքացիները հանրապետական պատգամավորի այս խորհրդի առիթով. Factor.am-ը հարցախույզ է անցկացրել:
Հիշեցնենք, որ դեկտեմբերին թանկացումներին զուգահեռ Հանրապետական խմբակցության պատգամավոր Խոսրով Հարությունյանն ասել էր, որ եթե մարդը կարտոֆիլ է օգտագործում, մսի թանկությունը նրա վրա չի ազդի: Ավելի վաղ Հակոբ Հակոբյանը վստահեցրել էր, որ թանկացումները աղքատների վրա չեն ազդի, քանի որ նրանք, այսպես թե այնպես, միս ու կարագ չեն ուտում:
Մհեր Արշակյան
