06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հոկտեմբերին տնտեսական ակտիվության ցուցանիշի 8․1 տոկոս անկում է գրանցվել. որոնք են առավել տուժած ոլորտները
Տնտեսություն
25.11.2020 | 15:26
Պատերազմի ազդեցությունը ՀՀ տնտեսության վրա արդեն իսկ արտացոլվել է հոկտեմբեր ամսվա տնտեսական ակտիվության ցուցանիշում, որն այսօր հրապարակել է Պետական վիճակագրական ծառայությունը:
Այսպիսով, ներկայացված տվյալների համաձայն՝ այս տարվա հոկտեմբերին, նախորդ տարվա նույն ամսվա համեմատ, տնտեսական ակտիվության ցուցանիշը (ՏԱՑ) 8․1 տոկոսով անկում է գրանցել: Սպառողական գների ինդեքսն աճել է 1․3 տոկոսով՝ նախորդ տարվա նույն ամսվա համեմատ:
Արդյունաբերական արտադրանքի ծավալը նվազել է 3 տոկոսով:
Առավելապապես տուժել է առևտրի և շրջանառության ոլորտը, անկումը՝ 20․9 տոկոս, ծառայությունների ծավալը կրճատվել է 21 տոկոսով: Արտաքին առևտրաշրջանառությունը նվազել է 18․5 տոկոսով, որից արտահանման նվազումը կազմել է 5․4 տոկոս, ներմուծմանը՝ 24.3 տոկոս:
Միջին անվանական ամսական աշխատավարձը բարձրացել է 1 տոկոսով, սակայն, ի տարբերություն տարվա մյուս ամիսների, հոկտեմբերին պետական հատվածում միջին ամսական անվանական աշխատավարձի նվազում է նկատվել՝ 2․7 տոկոսով, իսկ ոչ պետական հատվածում ավելացել է 2․3 տոկոսով:
Համեմատելով տարեսկզբից մինչև հոկտեմբեր գրանցված տնտեսական ակտիվության ցուցանիշները՝ այս տարի, նախորդ տարվա հունվար-հոկտեմբերի համեմատ, նվազումը կազմել է 6․7 տոկոս, իսկ հոկտեմբերին, սեպտեմբերի համեմատ, ՏԱՑ-ը նվազել է 4․9 տոկոսով:
Անժելա Պողոսյան
