19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Դատապարտյալների հիվանդանոց» ՔԿՀ-ում կալանավորը մահացել է սրտանոթային անբավարարությունից
Հասարակություն
09.01.2018 | 17:41
Հունվարի 3-ին «Դատապարտյալների հիվանդանոց» ՔԿՀ-ում մահացած կալանավոր Մհեր Խերունցը, ըստ դիակի դատաբժշկական նախնական եզրակացության, մահացել է սրտանոթային անբավարարությունից:
41-ամյա Մհեր Խերունցը նախկինում մի քանի անգամ դատապարտված է եղել, սակայն ուներ ամբաստանյալի կարգավիճակ. նրան մեղադրանք էր առաջադրվել ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 4-րդ մասով: Գործը քննվում էր Ավան և Նոր-Նորք վարչական շրջանի ընդհանուր իրավասության դատարանում: Ամենայն հավանականությամբ առաջիկայում ամբաստանյալի մահվան հիմքով քրեական գործի վարույթը կկարճվի:
Խերունցը նախկինում դատապարտվել է գողությունների, մի խումբ անձանց կողմից նախնական համաձայնությամբ գողության փորձի, առանձնապես խոշոր չափերով՝ թմրանյութերի ապօրինի շրջանառության մեղադրանքներով:
