20.05.2026 | 14:02
Հայտնաբերվել է երիտասարդին դանակահարած անձը․ նա ձերբակալվել է
Ասում են՝ տանկը պայթել է, դե բերեք, իմ տղային տվեք. գրել են զոհվածների ցուցակում, բայց տղաս չկա. ՏԵՍԱՆՅՈՒԹ
Հասարակություն
24.11.2020 | 14:56
«Ես արդեն 55 օր է, իմ տղայի հետ չեմ խոսել, վերջին անգամ հոկտեմբերի 1-ին եմ խոսել: Հաջորդ օրն ինձ ասել են՝ վիրավոր է: Վիրավո՞ր է, ինձ իմ վիրավոր երեխուն տվեք: Հետո ասել են՝ զոհվել է, տանկը պայթել է, դե բերեք, իմ տղային տվեք… Ամեն տեղ դիմել ենք, ոչ մի տեղեկություն չունենք: Տղայիս անունը գրել են զոհվածների ցուցակի մեջ, բայց տղաս չկա»,- այս մասին ՀՀ-ում ՌԴ դեսպանության դիմաց լրագրողներին ասաց ժամկետային զինծառայողի մայրը:
Արցախում ռազմական գործողությունների ընթացքում անհետ կորած զինծառայողների ծնողներն ու հարազատները ակցիա են իրականացնում Հայաստանում Ռուսաստանի դեսպանատան մոտ:
Ակցիայի մասնակիցները նամակ են փոխանցել ՌԴ դեսպանատուն: Նրանք նամակով խնդրում են աջակցել Ադրբեջանի վերահսկողության տակ գտնվող տարածքում զինծառայողների որոնողական աշխատանքներն անհապաղ սկսելու հարցում:
Մանրամասները՝ տեսանյութում:
