Հասարակություն
24.11.2020 | 14:28Արցախում ռազմական գործողությունների ընթացքում անհետ կորած զինծառայողների ծնողներն ու հարազատները ակցիա են իրականացնում Հայաստանում Ռուսաստանի դեսպանատան մոտ:
«Մենք իրոք անելանելի վիճակում ենք, արդեն 50 օր ոչ մեկը մեր խնդրին լուծում չի տալիս։ Դրա համար էսօր եկել ենք Ռուսաստանի դեսպանության մոտ՝ խնդրելու Ռուսաստանի դեսպանին, որ մեզ աջակցի էս հարցում», – լրագրողներին ասաց անհետ կորած զինծառայողներից մեկի հորեղբայրը։
Հարցին, թե երեկ վարչապետի հետ հանդիպումը չի՞ գոհացրել իրենց, անհետ կորած զինծառայողի հորեղբայրը պատասխանեց. «Վարչապետի հետ երկար հանդիպում չենք ունեցել, վարչապետը ներողություն խնդրեց, մոտ 40-45 րոպե ենք հարցուպատասխան ունեցել։ Դրանից հետո նա ասաց, որ շտապում է հանդիպման, որը վերաբերում է հենց մեր հարցին։ Դրանից հետո արդեն մնացած զրույցը փոխվարչապետ Ավինյանի հետ է եղել ու բավականին երկար։ Շատ խնդիրներ ենք բարձրացրել»:
Մանրամասները՝ տեսանյութում:
