08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Ասաց՝ պապի, հետո կզանգեմ». պապը 40 օրից ավելի է՝ փնտրում է զինծառայող թոռանը. ՏԵՍԱՆՅՈՒԹ
Հասարակություն
24.11.2020 | 14:02
Արցախում ռազմական գործողությունների ընթացքում անհետ կորած զինծառայողների ծնողներն ու հարազատները ակցիա են իրականացնում Հայաստանում Ռուսաստանի դեսպանատան մոտ:
Ակցիայի մասնակիցները նամակ են պատրաստում, ինչպես նաև կազմում են անհետ կորած զինծառայողների անուններից բաղկացած ցուցակ՝ ՌԴ դեսպանատուն փոխանցելու համար:
Նրանք նամակով խնդրում են աջակցել Ադրբեջանի վերահսկողության տակ գտնվող տարածքում զինծառայողների որոնողական աշխատանքներն անհապաղ սկսելու հարցում:
Ակցիայի մասնակիցները սպասում են, որպեսզի դեսպանատնից որևէ մեկը մոտենա, լսի իրենց խնդիրները և վերցնի նամակն ու անհետ կորածների անուններով ցուցակը:
«Թոռս մեկ տարի 4 ամիս ծառայում էր: Վերջին խոսակցությունը եղել է հոկտեմբերի 11-ին, Ջեբրայիլում էր: Կամաց էր խոում, ասաց՝ պապի, հետո կզանգեմ: Դրանից հետո տեղեկություն չունենք, ինը զինվոր՝ իրենց հրամանատարի հետ չկան»,- Factor.am-ի հետ զրույցում ասաց անհետ կորած զինծառայող Մարտիրոս Բարսեղյանի պապը՝ Գառնիկ Բարսեղյանը:
Անդրադառնալով դիտարկմանը, որ վարչապետի հետ երեկ տեղի է ունեցել հանդիպում, բայց այսօր էլ ՌԴ դեսպանատան դիմաց են ակցիա իրականացնում, Գառնիկ Բարսեղյանը նշեց. «Էլ ճար չկա, որովհետև տեսնում ենք, որ ջուր են ծեծում»:
Մանրամասները՝ տեսանյութում:
