25.04.2026 | 13:30
Էդուարդ Սպերցյանը նշել է «Կրասնոդարի» ամենասկզբունքային մրցակիցներին
Մարդիկ դուրս չեն գալիս՝ Փաշինյանի հրաժարականը պահանջելու, քանի որ գիտեն, որ կան զինված անհատներ. Անի Սամսոնյան. ՏԵՍԱՆՅՈՒԹ
Քաղաքականություն
23.11.2020 | 17:21
Ձև է արվում, թե փոփոխություններ են տեղի ունենում: Մեծածավալ և բովանդակային փոփոխություններ չեն լինելու, և դա չի կատարելու վարչապետ Նիկոլ Փաշինյանը: Այս մասին Factor.am-ի հետ զրույցում ասաց «Լուսավոր Հայաստան» խմբակցության պատգամավոր Անի Սամսոնյանը՝ անդրադառնալով դիտարկմանը, որ վարչապետ Նիկոլ Փաշինյանը նախարարներին աշխատանքից ազատելու որոշումներ է կայացնում, և ավելի վաղ ներկայացրել էր ճանապարհային քարտեզ՝ նշելով, որ կառավարության 80 տոկոսի փոփոխություն է սպասվում:
«Մենք պահանջելու ենք Նիկոլ Փաշինյանի հրաժարականը… Մենք այս վարչապետից և նրա ձևավորած կառավարությունից որևէ սպասելիք չունենք, հատկապես այն դեպքում, երբ նշանակվում են այնպիսի մարդիկ, որը ևս մեկ անգամ վկայում է, որ այս կառավարությունը չունի կադրային քաղաքականություն: Սա խաբկանք է, մարդկանց բերանները, աչքերն ու ականջները փակելու մտայնություն է…»,- նշեց պատգամավորը:
«Մարդիկ դուրս չեն գալիս՝ Փաշինյանի հրաժարականը պահանջելու, քանի որ գիտեն, որ կան զինված անհատներ»,- նշեց Անի Սամսոնյան՝ անդրադառնալով, իշխող ուժի այն կարծիքին, թե վարչապետի հրաժարականի հանրային պահանջ չկա:
Մանրամասները՝ տեսանյութում:
