15.11.2024 | 15:35
Հետախուզական ծառայությունը նոր լիազորություն կունենա, Պուտինն ու Ալիևը հեռախոսազրույց են ունեցել․ ԼՈՒՐԵՐ
Թուրքիայի զինուժի ավտոշարասյունը Սիրիայում հարձակման է ենթարկվել
Քաղաքականություն
09.01.2018 | 13:49
Թուրքիայի զինված ուժերին պատկանող ավտոշարասյունը հարձակման է ենթարկվել Սիրիայի Իդլիբ նահանգի Դարեթ ալ Իզզե շրջանում. տեղեկացնում է EH-ն:
Ըստ թուրքական «Hurriyet» օրաթերթի կայքի՝ հարձակման հետևանքով զոհեր և վիրավորներ չկան, ռազմական մեքենաները չեն վնասվել: Բանն այն է, որ ականանետերով հարձակված հակառակորդը վրիպել է: Ականներն ընկել են թուրքական ավտոշարասյունից 20-30 մետր հեռավորության վրա:
Չի նշվում, թե ովքեր են կրակ բացել ավտոշարասյան վրա:
Հիշեցնենք, որ հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռքբերված համաձայնությամբ՝ Իդլիբում «անվտանգության» գոտի էր սահմանվել: Որպես երաշխավոր երկրներ հանդես են գալիս Իրանը, Թուրքիան և Ռուսաստանը:
