Հայաստանի հավաքականի ավագ Հենրիխ Մխիթարյանը գրառում է կատարել Ֆեյսբուքի էջում՝ անդրադառնալով մեր նահատակված քաջ զինվորներին: Նա մասնավորապես գրել է.
«Քաջերը երբեք չեն մեռնում:
Մեր վիշտն այնքան խորն է, որ հնարավոր չէ խոսել այդ մասին… Այսօր ամբողջ աշխարհում ոգեկոչմամբ հարգելու ենք մեր զոհված հերոսների հիշատակը:
44 օր շարունակ դուք աննկարագրելի քաջություն եք ցուցադրել Արցախում՝ ձեր կյանքը զոհաբերելով հանուն մեր հայրենիքի, մեր ժողովրդի և մեր հազարամյա պատմական հողերը պաշտպանելու սուրբ առաքելության:
Դուք հավերժ կապրեք մեր մեջ…
Մենք աղոթում ենք նաև մեր վիրավոր եղբայրների համար ու մեր երախտագիտությունն ենք հայտնում մեր բոլոր զինվորներին: Շնորհակալություն:
Իմ ազգին մաղթում եմ ուժ և համերաշխություն՝ հաղթահարելու իր սիրելի որդիների կորուստը:
Մենք պետք է կենտրոնանանք, օգտագործենք մեր ողջ ներուժը՝ ավելի լավ ու խաղաղ աշխարհ ստեղծելով մեր երիտասարդների համար, ուր նրանք կկարողանան իրականացնել իրենց երազանքները»:
