15.11.2024 | 15:24
YouTube-ը կրկին աշխատում է Ռուսաստանում
Մենք որևէ բան թաքցնելու միտում չունենք, իսկ վիրավոր զինծառայողների մասին տեղեկատվությունը միշտ չէ, որ հարկավոր է հայտնել. Արծրուն Հովհաննիսյան
Հասարակություն
09.01.2018 | 11:12
ՀՀ Պն մամուլի խոսնակ Արծրուն Հովհաննիսյանն անդրադարձել է առաջնագծում զինծառայողների մահվան ու վիրավորման դեպքերին:
«Ինձ թվում էր մենք արդեն անցել ենք այս թեման, հաղթահարել ենք այս բարդույթը: ՀՀ ՊՆ և ԱՀ ՊԲ տեղեկատվական թափանցիկության հստակ քաղաքականությունը ամեն օր երևում է կոնկրետ քայլերով: Մենք որևէ բան թաքցնելու միտում չունենք և չենք թաքցրել և անտրամաբանական է զինծառայողի զոհվելու փաստը ներկայացնելու օրը մեզ մեղադրել ինչ-որ բան թաքցնելու մեջ: Սակայն նույն ժամանակ վիրավոր զինծառայողների մասին տեղեկատվությունը միշտ չէ, որ հարկավոր է հայտնել: Բազմիցս փաստարկված հիմնավորել ենք, որ եթե զինծառայողների կյանքին վտանգ չի սպառնում, ապա նպատակահարմար չէ, նրանց վիրավորվելու լուրը հաղորդել և հակառակորդին հստակ փաստ ներկայացնել իր աշխատանքի արդյունավետության մասին, երբեմն նաև այլ բաների մասին…….
Սրանից ավել բան չեմ կարող ասել, կարծում եմ մենք պետք է ունենանք այն գիտակցումը, որ մեր իրազեկվածության աստիճանը չպետք է գերազանցի մարտական խնդիրներ կատարող մարդկանց կյանքը վտանգելու աստիճանը»,- գրել է նա:
Նշենք, որ ԱԺ «Ելք» խմբակցության առաջնորդ Նիկոլ Փաշինյանը ֆեյսբուքյան իր էջում գրել էր, որ ամեն զոհի ետևում կա կոնկրետ մեղավոր, կոնկրետ պատասխանատու ու պահանջել պատասխանատվության ենթարկել պատասխանատու պաշտոնյաներին:
