18.11.2024 | 19:21
Վարչապետը շրջայց է կատարել Վատիկանի թանգարաններում, ծաղիկներ խոնարհել Գրիգոր Լուսավորչի և Գրիգոր Նարեկացու արձանների մոտ
Վարչապետի հրաժարականի հանրային պահանջ չկա. Արամ Խաչատրյան. ՏԵՍԱՆՅՈՒԹ
Քաղաքականություն
19.11.2020 | 13:17
Եկեք չշտապենք այդ մասին խոսել, խոր վերլուծության կարիք կա: Այս մասին ԱԺ-ում Factor.am-ի հետ զրույցում ասաց «Իմ քայլը» խմբակցության պատգամավոր Արամ Խաչատրյանը՝ անդրադառնալով հարցին, թե ովքեր պետք է պատասխանատվություն կրեն պարտության համար և արդյոք պետք է լինեն պաշտոնյաներ, որոնք պետք է հրաժարական ներկայացնեն:
Անդրադառնալով հարցին հիմնավորվա՞ծ են պաշտպանության նախարարության հասցեին հնչող քննադատությունները, պատգամավորը նշեց. «Ընդդիմության գործընկերներին կոչ կանեի այս լարված իրավիճակում մի փոքր զսպվածություն ցուցաբերել, որովհետև շատ բարդ ժամանակաշրջան է: Զոհված տղաների ընտանիքները մեզանից այլ բան են ակնկալում, մենք պետք է միասին լինենք և միասնաբար լուծենք առկա խնդիրները»:
Դիտարկմանը, որ ընդդիմությունն ասում է պարտված վարչապետը պետք է հեռանա, և արտահերթ ընտրություններ պետք է տեղի ունենան, Արամ Խաչատրյանը արձագանքեց. «Շատ մարդիկ էլ ասում են, որ վարչապետը պետք է հրաժարական չտա: Վարչապետի հրաժարականի և արտահերթ ընտրությունների հանրային պահանջ չկա»:
Մանրամասները՝ տեսանյութում:
