18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Անհետ կորածների ցուցակը նվազման միտում ունի․ Դավիթ Տոնոյան. ՏԵՍԱՆՅՈՒԹ
Հասարակություն
18.11.2020 | 16:47
«Բավականին թվով անհետ կորածներ ունենք: Ցավոք, նրանք նաև ընտանիքի միակ կերակրողներն են: Փաստացի, մինչև նրանց կարգավիճակի ճշտումը այս ընտանիքները սոցիալապես խոցելի են դառնում: Կյանքին, առողջությանը հասցված վնասի առնչությամբ զինծառայողների ապահովագրության հիմնադրամի շահառու դառնալու գործընթացն էլ բավականին երկար է հենց անհետ կորած ճանաչվելու պատճառով: Օրենսդրական մակարդակում փոփոխություններ կլինե՞ն»,-ԱԺ-կառավարություն հարցուպատասխանի ժամանակ այսօր հարցրեց «Իմ քայլի» պատգամավոր Նազելի Բաղդասարյանը:
Պաշտպանության նախարար Դավիթ Տոնոյանն արձագանքեց, որ ՊՆ-ում ստեղծված հանձնաժողովն աշխատում է Կարմիր խաչի միջազգային կազմակերպության հետ, իսկ այսօր արդեն իսկ ՌԴ խաղաղապահ կոնտինգենտի հետ:
«Լայնածավալ աշխատանքներ են արվում նաև ճշգրտման առումով: Անհետ կորածների ցուցակն այսօր ունի նվազման միտում, որովհետև ճշգրտումների արդյունքում պարզվում է, որ բավականին շատ անհետ կորածներ են հայտնվում ցուցակներում, որոնք ողջ-առողջ են, ուղղակի սխալ հաշվառում է եղել: Նախաձեռնել ենք օրենսդրական փոփոխություն, բայց կլինեն նաև որոշակի շտկումներ՝ հիմնադրամի հնարավորություններից օգտվելու համար: Հարուցված քրեական գործերը մեծածավալ են, և համապատասխան կառույցները չեն հասցնում կարգավիճակի վերաբերյալ տեղեկատվություն տալ մեզ: Ամեն ինչ արվել է, որպեսզի կորուստ ունեցած ընտանիքները հնարավորինս ունենան պետական աջակցություն և աջակցություն հիմնադրամից»,- նշեց Տոնոյանը:
Մանրամասները՝ տեսանյութում:
