21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Լեռնային Ղարաբաղ են տեղափոխվում ռուս սակրավորներ․ ՏԱՍՍ
Քաղաքականություն
17.11.2020 | 10:36
Ռուսաստանի Դաշնության Պաշտպանության նախարարությունը հայտնում է, որ Ուլյանովսկ-Վոստոչնի օդանավակայանից Իլ-76 բեռնատար օդանավերով Լեռնային Ղարաբաղ են տեղափոխվել զինվորականներ, հատուկ սարքավորումներ, ինչպես նաև Կենտրոնական ռազմական շրջանի խաղաղապահ բրիգադի ինժեներասակրավորական ստորաբաժանման հատուկ սարքավորումները: Այս մասին ասվում է գերատեսչության տարածած հաղորդագրության մեջ, փոխանցում է ՏԱՍՍ-ը:
«Սակրավորները կկատարեն ինժեներական հետախուզության, տեղանքի, ճանապարհների և օբյեկտների ականազերծման աշխատանքներ, ինչպես նաև կապահովեն մատակարարման և տարհանման ուղիների պատրաստումը և պահպանումը, ջրի մաքրումը և այլ ինժեներական առաջադրանքներ», – ասված է հայտարարության մեջ:
Բացի այդ, ծառայողական շներ կօգտագործվեն պայթյունավտանգ իրերի հայտնաբերման և որոնման համար:
Տաթև Ֆռանգյան
