10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Տարվա ամենաաղաղակող միջադեպը «Սասնա ծռերի» ծեծն էր դատարանի դահլիճում. Լևոն Բարսեղյան
Քաղաքականություն
29.12.2017 | 15:13
Ժուռնալիստների «Ասպարեզ» ակումբի նախագահ Լևոն Բարսեղյանի կարծիքով՝ 2017 թվականին մարդու իրավունքներին առնչվող ամենաաղմկահարույց միջադեպը դատարանի դահլիճում ամբաստանյալների նկատմամբ բռնության գործադրումն էր:
«Սա աղաղակող բան էր, անցած տարիներին որքան էլ եղել են քաղբանտարկյալներ և արդարադատության դեֆիցիտ, բայց չեմ կարողանում հիշել դեպք, որ դատարանի շենքում մեղադրյալին ծեծեն»,- մեզ հետ զրույցում ասաց Լևոն Բարսեղյանը՝ որպես խնդիր մատնանշելով նաև անարդար դատաքննությունները և քաղբանտարկյալների նկատմամբ հալածանքները:
«Մարդիկ կան, որ «Սասնա ծռերի» խմբում չեն եղել, բայց նրանց նկատմամբ ևս դատաքննության ընթացքում անարդարություններ են եղել: Խոսքը Կարո Եղնուկյանի, Անդրիաս Ղուկասյանի մասինն է»,- նշեց մեր զրուցակիցը:
Փաստաբանների իրավունքների ոտնահարումը ևս տարվա ընթացքում արձանագրված լրջագույն խնդիրներից է:
Factor.am-ի հարցին՝ կարո՞ղ ենք ասել, որ մարդու իրավունքների խախտումների հետ կապված հետընթաց է արձանագրվել, Լևոն Բարսեղյանը պատասխանեց. «Կարծում եմ՝ արդարադատության դաշտում ունեցանք հետընթաց: Իշխանությունը ցույց տվեց, որ չի ազդվում հասարակական ցասումից և պատրաստ չէ բարեփոխումների»:
Մանրամասները՝ տեսանյութում:
Շողիկ Գալստյան
