09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Հայաստան է ժամանել խաղաղապահներ և տեխնիկա տեղափոխող ևս 18 ռուսական Իլ-76
16.11.2020 | 10:25
Երևան է ժամանել ռուս խաղաղապահների ու զրահամեքենաների հերթական խմբաքանակը։ Մասնավորապես Ռուսաստանի օդատիեզերական ուժերին պատկանող ևս 18 ռազմատրանսպորտային Իլ-76 ինքնաթիռ վայրէջք է կատարել Երևանի օդանավակայանում։ Այս մասին հաղորդագրություն է տարածել Ռուսաստանի Դաշնության պաշտպանության նախարարությունը։
«Լեռնային Ղարաբաղի հակամարտության գոտում խաղաղապահ առաքելություն իրականացնելու համար Հայաստան ուղարկված Ռուսաստանի ռազմաօդային ուժերի հերթական 18 Իլ-76 և 2 Ան-124 «Ռուսլան» ինքնաթիռները տեխնիկայով և 15-րդ խաղաղապահական բրիգադի անձնակազմով վայրէջք են կատարել Երևանի օդանավակայաններում։ Ռուս զինվորականները բեռնաթափել են նյութական միջոցները, սպառազինությունն ու ռազմական տեխնիկան»,- ասվում է ՌԴ ՊՆ հաղորդագրության մեջ։
Մեկ օրվա ընթացքում ՌԴ օդատիեզերական ուժերը Հայաստան են տեղափոխել 58 միավոր տեխնիկա՝ զրահամեքենաներ, ամենագնաց բեռնատարներ, ավտոցիստեռններ, էքսկավատորներ և նյութատեխնիկական ապահովման այլ միջոցներ։
Տաթև Ֆռանգյան
