04.11.2026 | 13:51
Երեմյան կաթնամթերքում խախտումներ չեն հայտնաբերվել․ ընկերությունը ներկայացրել է փորձաքննությունների արդյունքները․ ՏԵՍԱՆՅՈՒԹ
Եվրամիությունը չի բացառել Բելառուսի դեմ լրացուցիչ պատժամիջոցների կիրառումը․ ՌԻԱ Նովոստի
Քաղաքականություն
13.11.2020 | 16:38
Եվրամիությունը չի բացառել Բելառուսի դեմ լրացուցիչ պատժամիջոցների կիրառումը, ցուցարար Ռոման Բոնդարենկոյի մահվան պատճառով: Այս մասին հայտնում է ՌԻԱ Նովոստին։
«ԵՄ-ն շարունակում է խստորեն դատապարտել Բելառուսի իշխանությունների կողմից ցուցարարների, ժողովրդավարության շարժմանը մասնակցող անձանց, անկախ լրատվամիջոցների, քաղաքացիական հասարակության ներկայացուցիչների ու Բելառուսի հասարակ քաղաքացիների դեմ բռնության կիրառումը: Եվրամիությունն արդեն պատժամիջոցներ կիրառել է 55 անձի հանդեպ և պատրաստ է լրացուցիչ պատժամիջոցներ կիրառել», – հայտարարել է ԵՄ արտաքին քաղաքականության պաշտոնական ներկայացուցիչը:
Նախօրեին Բելառուսի Առողջապահության նախարարությունը հաստատել էր ստացած վնասվածքներից 31-ամյա Բոնդարենկոյի մահվան փաստը։
Tut.by-ի տեղեկություններով՝ մահացածին տեղափոխել էին միկրոավտոբուսով, իսկ Մինսկի կենտրոնական ՆԳՆ-ից վերջինս տեղափոխվել էր հիվանդանոց։ Նրան վիրահատել են, սակայն կյանքը փրկել չի հաջողվել։
Տաթև Ֆռանգյան
