02.08.2026 | 17:11
Սևանա լճի հանրային լողափերից մեկում կորած երեխան հայտնաբերվել է
ՌԴ-ն քրեական գործ է հարուցել՝ Ադրբեջանի կողմից ռուսական Մի-24 ուղղաթիռի խոցման փաստի առնչությամբ․ Ինտերֆաքս
Քաղաքականություն
13.11.2020 | 15:57
Ռուս քննիչները քրեական գործ են հարուցել՝ Հայաստանի և Ադրբեջանի սահմանին Ադրբեջանի զինված ուժերի կողմից ռուսական Մի-24 ուղղաթիռի խոցման փաստի առնչությամբ: Այս մասին հայտնում է «Ինտերֆաքսը»՝ հղում կատարելով սեփական աղբյուրներին։
Տեղեկացվում է, որ քրեական գործը հարուցվել է թռիչքների կամ դրանց նախապատրաստման կանոնների խախտման մասին հոդվածով։
Տեղեկացվում է, որ քննությունը վարում եմ Գյումրիում տեղակայված 102-րդ ռուսական ռազմաբազայի քննիչները:
Նոյեմբերի 9-ին Հայաստանի և Ադրբեջանի սահմանին ռուսական Մի-24 ուղղաթիռ է խոցվել, այն ուղեկցում էր 102-րդ ռուսական ռազմաբազայի ավտոշարասյանը: 2 մարդ է զոհվել, մեկը վիրավոր է: Ուղղաթիռը խոցվել է ԼՂ հակամարտության գոտում ավելի քան 100 կմ հեռավորության վրա:
