19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Նարեկ Սարգսյանը 25 միլիոն դրամ գրավի դիմաց ազատ է արձակվել
Հասարակություն
13.11.2020 | 14:38
ՀՀ Վերաքննիչ քրեական դատարանը, դատավոր Ալեքսանդր Ազարյանի նախագահությամբ, 25 միոլիոն դրամ գրավի դիմաց ազատ է արձակել ՀՀ երրորդ նախագահ Սերժ Սարգսյանի եղբորորդուն՝ Նարեկ Սարգսյանին։
Հիշեցնենք, որ Նարեկ Սարգսյանը տևական ժամանակ հետախուզվում էր և հայտնաբերվեց Պրահայում՝ Ֆրանկլին Գոնսալես անվամբ։
Նրա պաշտպան Կարեն Մեժլումյանը Factor.am-ին փոխանցեց, որ պաշտպանները երեկ ներկայացրել են միջնորդություն 20 միլիոն գրավի դիմաց ազատ արձակելու վերաբերյալ, բայց դատարանը որոշել է 25 միլիոն դրամ գրավ սահմանել։
Հիշեցնենք՝ Ալեքսանդր Սարգսյանի որդին մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի ապօրինի շրջանառությունն իրացնելու, պատրաստելու նպատակով կամ դրանք ապօրինի իրացնելու հատկանիշներով։ Նա 2018 թվականի հուլիսից հետախուզվում էր։ Նարեկ Սարգսյանը հայտնաբերվել էր Չեխիայում՝ Ֆրանկլին Գոնսալես անվամբ, 2019-ին դեկտեմբերին նա արդեն արտահանձնվեց Հայաստանին։
Լիլիթ Շաբոյան
