19.01.2026 | 11:33
Նորբերտո Բալեկյանը տեղափոխվել է «Բարակաս Սենտրալ»
Փաշինյանը դատախազին հանձնարարել է ինձ և գործընկերներիս անձեռնմխելիությունից զրկել. ՏԵՍԱՆՅՈՒԹ
Քաղաքականություն
12.11.2020 | 17:17
Տեղեկություն կա, որ «Իմ քայլը» շատ օպերատիվ կհավաքվի բոլորիս՝ այդ թվում՝ ինձ, այլ պատգամավորների, պատգամավորական մանդատից զրկելու համար, լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը:
«Շատ արագ հոդվածն են մտածում: Բայց մեզնից մեկը չի ասել մի բան, որով կփորձեն գործեր հարուցել և որով կալանավորվել են մեր տասից ավելի գործընկերներին: Նրանք բոլորը քաղբանտարկյալներ են: Իրեն ժողովրդավար հռչակած ղեկավարի կողմից Հայաստանը դարձավ քաղբանտարկյալների երկիր:
Դատախազին հանձնարարված է կյանքի գնով իրավական հիմնավորում գտնել՝ ինձ և Գևորգ Պետրոսյանին պատգամավորական անձեռնմխելիությունից զրկելու, մյուս պատգամավորներին էլ՝ ձերբակալելու: Իմ տեղեկությամբ դատախազը դժվարանում է նման հոդված գտնել», – ասաց պատգամավորը:
Նաիրա Զոհրաբյանը տեղեկացրեց, որ ինքն ընդհուպ անձնական կյանքի սպառնալիքներ է ստանում և եթե իր հետ որևէ բան պատահի, առաջին և միակ պատասանատուն Նիկոլ Փաշինյանը կլինի:
Մանրամասները՝ տեսանյութում:
