18.11.2024 | 17:43
«Չեն աշխատել, Փաշինյանն էլ հանել է», «Մարմնի մասերը փոխելուց ոչ մի բան չի փոխվի»․ հարցում՝ Երևանում
Այն ամենը, ինչ կարելի էր անել, մենք արդեն արել ենք․ Պետդումայի պատգամավորները բանակցություններ են վարում ԼՂ հարցի կարգավորմանն աջակցելու նպատակով
Քաղաքականություն
10.11.2020 | 13:35
Հայաստանում տիրող անկարգությունները էմոցիաների պոռթկում են, քանզի հրադադարի մասին պայմանագիրն ընկալվում է որպես պարտություն։ Այս մասին ՌԻԱ Նովոստիին հայտնել է ՌԴ պետդումայի ԱՊՀ գործերով կոմիտեի առաջին փոխնախագահ Վիկտոր Վոդոլացկին:
Վերջինս նշել է, որ ռուս խորհրդարանականները շարունակում են ակտիվ բանակցություններ վարել Հայաստանից ու Ադրբեջանից իրենց գործընկերների հետ հակամարտության կարգավորման համար։ «Այն ամենը, ինչ կարելի էր անել, մենք արդեն արել ենք։ Մենք կոչ ենք արել, մենք հանդիպել ենք խորհրդարանականների տարբեր խմբերի հետ։ Մենք ակտիվ բանակցություններ ենք վարում թե՛ Հայաստանի, թե՛ Ադրբեջանի խորհրդարանականների հետ, որպեսզի որևէ սրում չլինի։ Մեզ համար ամենակարևորը, որ խաղաղություն ու բարօրություն լինի»,- հայտարարել է Վոդոլացկին։
Հիշեցնենք, որ ավելի վաղ ՌԴ նախագահ Վլադիմիր Պուտինը հայտնել էր, որ ՌԴ-ն, Ադրբեջանը և Հայաստանը Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել:
Տաթև Ֆռանգյան
