11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Շտապելով ՀՀ Կառավարություն` փորձեցի կանխել ազգային աղետը, սակայն ԱՀ նախագահի համաձայնությամբ հրապարակվեց հայտարարությունը․ Սամվել Բաբայան
Քաղաքականություն
10.11.2020 | 03:32
Արցախի Հանրապետության Անվտանգության խորհրդի քարտուղար Սամվել Բաբայանը, որը ժամեր առաջ ՀՀ Կառավարության շենքում էր, անդրադարձել է Լեռնային Ղարաբաղի հարցով Հայաստանի վարչապետի, Ադրբեջանի նախագահի և ՌԴ նախագահի ստորագրած հայտարարությանը։
«Ա’զգ հայոց,
Ժամեր առաջ տեղեկացա, որ Հայաստանի Հանրապետության վարչապետը Ադրբեջանի Հանրապետության և Ռուսաստանի Դաշնության նախագահների հետ համատեղ ստորագրել է այլևս բոլորիդ ծանոթ հայտարարություն։
Շտապելով ՀՀ Կառավարություն’ փորձեցի կանխել ազգային աղետը, խաթարել դավաճանական գործընթացը, սակայն Արցախի Հանրապետության նախագահի համաձայնությամբ հրապարակվեց հայտարարությունը։
Զերծ մնալով հայտարարության տեքստի որակումներից’ նշեմ, որ բազմիցս ՀՀ և ԱՀ ղեկավարությանը մատնանշել եմ իրավիճակի ելքը, առաջարկել ռազմավարական լուծումներ և առաջարկություններ, սակայն դրանք մշտապես շրջանցվել են’ հիշեցնելով խորհրդականի իմ կարգավիճակը։ Նույն կարգավիճակի գործառութային պարտականությունների սահմանափակումներով էր պայմանավորված նաև իմ լռությունը, մասնավորապես պատերազմի առաջին օրվա իմ ճեպազրույցի արդյունքում ստեղծված իշխանական թպրտոցը։
Սիրելի’ հայրենակիցներ,
Հավատացնում եմ ձեզ, որ անգամ հիմա, այս պայմաններում մեր արժանապատվությունը փրկելու հույս դեռ կա…»,- Ֆեյսբուքում գրել է Սամվել Բաբայանը։
